malakali kadrlar tayyorlash jarayonini takomillashtirish orqali bo‘lajak
mutaxassislarning raqobatbardoshligini ta’minlash, kasbiy-pedagogik faoliyatni
muvaffaqiyatli bajara olish kompetensiyalarini shakllantirish maqsadida oliy ta’lim muassasalarida zamonaviy o‘qitish modellari va texnologiyalarini
integratsiyalash masalalari dolzarb vazifalardan biri sifatida e’tirof etilib, ko‘plab rivojlangan mamlakatlarda ta’lim jarayoniga Europan Credit Transfer and Accumulation System (ECTS) kredit-modul tizimini joriy etish, masofaviy ta’lim (Moodle, Ilias, Dokeos) shakllarini tatbiq etish, rivojlantiruvchi axborot-ta’lim muhiti (e-learning) sharoitida nazariy bilim olishga
yo‘naltirilgan ta’limdan amaliy ko‘nikmalarni shakllantirishga yo‘naltirilgan ta’lim tizimiga o‘tishni ta’minlashga alohida e’tibor qaratilmoqda.

bir qator yetakchi davlatlari va tadqiqot muassasalarida bo‘lajak mutaxassislarda boshqaruvchilik kompetensiyasini shakllantirish va rivojlantirish, bo‘lajak menejerlarda nazariy bilimlar va amaliy ko‘nikmalarni rivojlantirish bo‘yicha ilmiy izlanishlar olib borilmoqda.
Globallashuv jarayoni yuz berayotgan jahon ta’lim tizimining zamonaviy bosqichida bo‘lajak mutaxassislarni kredit-modul tizimi negizida
boshqaruvchilik faoliyatiga tayyorlash, sifatli maktabgacha ta’lim xizmatlarini ko‘rsatishning innovatsion usullarini joriy etishda maktabgacha ta’lim
tashkilotlari faoliyatini maqsadli boshqarish kompetensiyasini mukammal egallagan mutaxassislarning kasbiy tayyorgarligini takomillashtirish muhim ahamiyat kasb etmoqda.

maktabgacha ta’limni rivojlantirish sohasida muvaffaqiyatli davlat siyosati yuritilib, keng miqyosda
islohotlar olib borilishi natijasida respublikamizda maktabgacha ta’lim tizimiga rahbar xodimlarni tayyorlash, qayta tayyorlash, malakasini oshirish, tanlab olish va rivojlantirishga mutlaqo yangi yondashuvlar joriy etilib, ta’lim tizimida raqobatbardosh kadrlarni tayyorlash mexanizmlarini takomillashtirishning normativ-huquqiy bazasi yangilandi hamda pedagogik infratuzilmasi yaratildi.